Madaktari watumia saa 26 kuwatenganisha pacha

Pacha walioungana kifua na tumbo wamefanyiwa upasuaji wa kuwatenganisha na hali zao zinaendelea vizuri. Huo ni upasuaji wa kwanza kufanikiwa katika historia ya pacha walioungana kifua na tumbo kufanyiwa upasuaji wa kuwatenganisha na bado wakabaki salama.
Knatalye Hope na Adeline Faith Mata walizaliwa kwenye Jimbo la Texas nchini Marekani, Aprili mwaka jana kwa wazazi Elysse na John Eric.
Wazazi hao walielezwa mapema kabla hata ya kuzaliwa watoto hao kuwa picha zinaonyesha wameungana sehemu ya kifua, lakini baada ya kuzaliwa muungano wa maumbo yao ulikuwa zaidi ya kifua, kwani walikuwa wakishirikiana tumbo, ini, utumbo na sehemu ya nyonga. Upasuaji huo wa kwanza na pekee kwa aina yake, ulichukua saa 26 hadi kukamilika.
Upasuaji huyo uliofanyika mwanzoni mwa mwezi, uliwashirikisha madaktari bingwa wa upasuaji 12.

                  Pacha wanavyoonekana kabla ya kunyiwa upasuaji uliochukua zaidi ya saa 26

              Wakiandaliwa kabla ya kufanyiwa upasuaji

          Timu ya wataalamu waliobeba jukumu la kufanya upasuaji