Jumatano, 30 Novemba 2016

KIGOMA MJINI WAMPONGEZA LUKUVI KUTATUA MIGOGORO YAO YA ARDHI


Waziri wa Ardhi, Nyumba na Maendeleo ya Makazi Mhe. Willim Lukuvi anaendelea na ziara ya siku tatu katika mkoa wa Kigoma ambapo amefungua rasmi Baraza la Ardhi na Nyumba la Mkoa wa Kigoma pamoja na kutatua migogoro ya ardhi ya wananchi wa Kigoma. Wananchi hao wamempongeza Mhe. Waziri kwa hatua anazozichukua katika kumaliza migogoro yao ya ardhi na kuwajengea Baraza la Ardhi na Nyumba ambalo jipya na lililo na viwango kushinda mengine yote hapa nchini.zit1
Waziri wa Ardhi, Nyumba na Maendeleo ya Makazi Mhe. Willim Lukuvi akifungua Baraza la Ardhi na Nyumba la Mkoani Kigoma, Kushoto ni Mbunge wa Kigoma Mjini Mhe. Zitto Kabwe na kulia ni Mkuu wa Mkoa wa Kigoma Mhe.Brigedia Jenerali Emanuel Maganga.
zit2
Jingo jipya la Baraza la Ardhi na Nyumba la Mkoani Kigoma.
zit3
Samani mpya za Baraza la Ardhi na Nyumba la Mkoani Kigoma.
zit4
  Waziri wa Ardhi, Nyumba na Maendeleo ya Makazi Mhe. Willim Lukuvi akiongea na wananchi wa Kigoma Mjini na kutatua migogoro yao ya ardhi.
zit6 zit7
Wananchi wa Kigoma Mjini wakiwasilisha malalamiko yao ya migogoro ya ardhi kwa Waziri wa Ardhi, Nyumba na Maendeleo ya Makazi Mhe. Willim Lukuvi ili yaweze kutatuliwa.
zit9
Wananchi wa Kigoma mjini wakimsikiliza Waziri wa Ardhi.

MD KAYOMBO AFANIKISHA MRADI SHULE YA MATOSA

kayombo
 Mkurugenzi wa Manispaa ya Ubungo Ndg John Lipesi Kayombo
Mkurugenzi wa Manispaa ya Ubungo Ndg John Lipesi Kayombo amepongezwa
na walimu pamoja na wanafunzi wa shule ya sekondari Matosa iliyopo Kata
ya Goba , Manispaa ya Ubungo kwa kufanikisha kwa kiasi kikubwa
utekelezaji wa mradi wa SEDP II.

Mradi huo unaohusisha ujenzi wa vyumba viwili vya darasa, nyumba za
walimu, kisima cha maji, tanki la kuhifadhia maji pamoja na vyoo upo
katika hatua nzuri ya kukamailika kutokana na juhudi pamoja na utendaji
kazi uliotukuka wa Mkurugenzi Kayombo akishirikiana na watumishi wa
Manispaa hiyo.
Akizungumza na mtandao wetu mwalimu Mkuu wa shule
hiyo alisema amefurahishwa na juhudi zinazofanywa na Mkurugenzi wa
Manispaa hiyo za kuleta maendeleo kwa wananchi na kwenda sambamba na
kauli mbiu ya Rais John Pombe Magufuli ya Hapa Kazi Tu.
“Napenda
kutoa shukrani Kwa Serikali kwa kuuleta mradi wa SEDP II katika shule
yetu, pia napenda kutoa shukrani za dhati kwa Mkurugenzi wa Manispaa ya
Ubungo Ndg. John Lipesi Kayombo kwa juhudi zake anazozifanya mpaka mradi
umefika hatua hii, kwa kweli ametusaidia sana, mungu ambariki”, alisema
Mwalimu mkuu.
Wakati huo huo wanafunzi wanaosoma katika shule
hiyo wamempongeza Mkurugenzi Kayombo kwa kazi nzuri aliyofanya mpaka
kuweza kufanikisha kupatikana kwa maji pamoja na madarasa, vyoo, tanki
la maji na nyumba za walimu.

MWILI WA RPC SINGIDA KUAGWA LEO MUHIMBILI


kakamba
JAMHURI YA MUUNGANO WA TANZANIA
             WIZARA YA MAMBO YA NDANI
                JESHI LA POLISI TANZANIA
Anuani ya Simu “MKUUPOLISI”                                                                                                                                                                                                                                                                                                                                               Ofisi ya  Inspekta  Jenerali wa Polisi,
Simu : (022) 2110734                                                                                             Makao Makuu ya Polisi,
Fax Na. (022) 2135556                                                                                                          S.L.P. 9141,
Unapojibu tafadhali taja:                                                                                      DAR ES SALAAM.
                                                                                                                                       
30 /11/2016
TAARIFA KWA VYOMBO VYA HABARI.

KUAGWA KWA MWILI WA KAMANDA WA POLISI MKOA WA SINGIDA.

Mnajulishwa kuwa mwili wa Marehemu Kamishna Msaidizi Mwandamizi wa Polisi (SACP) EX Peter Kakamba, Kamanda wa Polisi Mkoa wa Singida, aliyefariki dunia Alfajiri ya Tarehe 30/11/2016 utaagwa leo tarehe 30/11/2016 Saa 11: 00 (Kumi na moja kamili Jioni) katika Hospitali ya Taifa Muhimbili na baadaye utasafirishwa kwenda Mpanda  Mkoani Katavi kwa ajili ya Mazishi.

Imetolewa na:
Advera John Bulimba – ACP
Msemaji wa Jeshi la Polisi.
Makao Makuu ya Polisi

MALINZI AOMBOLEZA VIFO VYA WACHEZAJI WA CHAPECOENSE YA BRAZIL.


malinziiiiiiiii
Rais wa Shirikisho la Mpira wa Miguu Tanzania (TFF), Jamal Malinzi ametuma salamu za rambirambi kwa Shirikisho la Mpira Brazil (CBF), kutokana na vifo vya wachezaji wa timu ya soka Chapecoense Real ya Brazil.
Rais wa TFF Malinzi, katika salamu za rambirambi kwa Rais wa Shirikisho la Mpira wa Miguu Brazil (CBF), Lucca Victorelli  amesema ajali hiyo iliyoua watu wengi ni tukio la kusikitisha kwenye familia ya soka duniani na limetokea katika kipindi kigumu.

MAADHIMISHO YA SIKU YA WALEMAVU KITAIFA YAFUTWA


indexMaadhimisho ya siku ya watu wenye ulemavu duniani, ambayo kitaifa yalitarajiwa kufanyika jijini Dar es salaam,Desemba 3, mwaka huu yameahirishwa na badala yake kila mkoa utaadhimisha kivyake.
Akitoa tamko la kuharishwa kwa maadhimisho hayo, Waziri wa Nchi, Ofisi ya Rais, Tawala za Mikoa na Serikali za Mitaa(Tamisemi), George Simbachawene amesema maadhimisho hayo yalilenga kila halmashauri isafirishe wanachama wa vyama vya watu wenye ulemavu ili washiriki maadhimisho hayo jijini humo.
Amesema kwa mujibu wa maelekezo aliyopewa na Waziri Mkuu Kassim Majaliwa kwa wakuu wa mikoa kuwa badala ya maadhimisho hayo ya kitaifa kukusanya walemavu wote kwenye mikoa kwenda Dar es salaam yafanyike kwenye mikoa yao.

SIMBA YASHUSHA KIPA MPYA TOKA MEDEAMA FC YA GHANA.


agy

Baada ya taarifa kuenea kuwa Simba inataka kusajili golikipa toka Ghana hatimaye ametua rasmi kwa ajili ya kujiunga na kikosi cha Kocha Joseph Omog.

Kipa huyu Daniel Agyei alikuwa anakitumikia kikosi cha Medeama FC ambayo ilicheza na Yanga katika michuano ya Kombe la shirikisho barani Afrika.

Mara baada ya kuwasili kwenye Uwanja wa Ndege wa Kimataifa wa Mwalimu Julius Nyerere jijini Dar, kipa huyo alipokelewa na Mratibu wa Simba, Abbas Ally na atakuwa akitoa changamoto kwa golikipa wa sasa Vicent Agban ambaye alikosa mshindani kutokana na uwezo wa Manyika Peter na Denis Richard kuonekana kuwa hawakuwa na kiwango cha juu pamoja na kukosa uzoefu katika mikikimiki.

MEYA WA JIJI LA ARUSHA AZINDUA KAMPUNI YA MASOKO YA KISMATY ADVERT MEDIA

 Mkurugenzi wa Kismaty Advert Media Company Ltd, Bi. Mary Emmanuel Mollel akizungumza Machache katika uzinduzi wa kampuni ya Matangazo ya Kismaty Advert Media katika ukumbi wa Asili Resort jijini Arusha, Novemba 25 ,2016.
Mkurugenzi wa Kismarty Advert Media Company Ltd Mary Emmanuel ,akisalimiana na viongozi mbalimbali waliohudhuria katika hafla hiyo katika uzinduzi wa kampuni ya Matangazo ya Kismaty Advert Media katika ukumbi wa Asili Resort jijini Arusha, Novemba 25 ,2016.
Wa kwanza kulia ni Meya wa jiji la Arusha Calist Lazaro , mkurugenzi wa Kismarty Advert Media Co. Ltd, Bi. Mary Emmanuel ,na Mratibu wa shughuli hiyo Bi. Dotto Kimaro katika uzinduzi wa kampuni ya Matangazo ya Kismaty Advert Media katika ukumbi wa Asili Resort jijini
Arusha, Novemba 25 ,2016.
Mchekeshaji ‘Steve Nyerere’ nae hakubakia nyuma alikuwepo akifanya yake katika uzinduzi wa kampuni ya Matangazo ya Kismaty Advert Media katika ukumbi wa Asili Resort jijini Arusha, Novemba 25 ,2016.






Watatu kutoka kushoto ni Meya wa Jiji la Arusha Mhe. Calist Lazaro ,Naibu meya Bi. Viola Lazaro ,Diwani wa kata ya Themi Kinabo na Diwani wa kata ya Levolosi Ephata Nanyaro katika uzinduzi wa kampuni ya Matangazo ya Kismaty Advert Media katika ukumbi wa Asili Resort jijini Arusha, Novemba 25 ,2016.
Wa pili Kutoka Kushoto ni Meneja wa Venus Hotel Mr. Prashant akiongozana na mkewe na rafiki yao Mr. Dibin wakiwa katika uzinduzi wa kampuni ya Matangazo ya Kismaty Advert Media katika ukumbi wa Asili Resort jijini Arusha, Novemba 25 ,2016.