Jumamosi, 7 Machi 2015

MWANAMKE BORA MWENYE MAFANIKIO AKABIDHIWA TUZO LEO MARCH, 7


KAIMU Kamanda wa Mkoa wa Kipolisi Kinondoni, Inspekta Prisca Komba, ameibuka mshindi wa Tuzo ya Mwanamke mwenye Mafanikio Tanzania kwa mwaka 2014.
Inspekta Komba, ambaye pia  anasimamia Dawati la Jinsia kwenye mkoa huo wa Kipolisi, pia alishinda Tuzo ya Mwanamke wa Mwenye Mafanikio katika Sekta ya Umma.

Wengine waliopata tuzo mbalimbali ni pamoja na Debora Mwenda, aliyepata tuzo ya Mwanamke mwenye mafanikio ya maisha, Penina Mlama, alipata tuzo ya Utamaduni na Sanaa, Mary Gitanho, Tuzo ya Ustawi wa Jamii.

Sharmillah Bhatt, tuzo ya Sayansi na Teknolojia, Jennifer Shigoli, tuzo ya Mwanamke mdogo mwenye Mafanikio, Blandina Sembu, tuzo ya Habari na Mawasiliano.

Pia Dk. Wineaster Anderson, tuzo ya Taaluma, Nahida Esmail, tuzo ya Elimu, Devotha Likokola, Biashara  na Ujasiriamali, Jacqueline Mkindi, tuzo ya Kilimo, Mpendwa Chihimba,tuzo ya Afya na Angel Eaton, tuzo ya Michezo.

Tuzo hizo, zimetolewa leo jijini Dar es Salaam na Taasisi ya Tuzo za Wanawake Wenye Mafanikio Tanzania (TWAA) inayoandaa tuzo hizo zilizokutanisha wanawake zaidi ya 700.

 Rais na Mwandaaji wa tuzo hizo, Irene Kiwia, akikabidhi tuzo hizo alisema  jumla ya Wanawake 36 waliingia tatu bora katika vipengele 12 vilivyokuwa vinashindaniwa na kati ya hizo jumla ya tuzo 14 zimetolewa.

“Katika kuelekea siku ya wanawake duniani ambayo inafanyika kitaifa  kesho (leo) tumeona ni vyema tukawapatia tuzo wanawake ambao wameleta mabadiliko chanya ndani ya jamii,kwani mafanikio yao yanaleta hamasa kwa wanawake wengine wenye malengo,”alisema Kiwia.

Alivitaja vipaumbele vya mwanamke ambaye anataka kuleta mabadiliko ndani ya jamii kuwa ni ndoto,uthubutu,kufuatilia ndoto,uvumilivu na ustahimilivu.

Akizungumzia tuzo hiyo, Ispekta Komba, ameishukuru jamii kwa kutambua umuhimu na kazi ambazo amekuwa akizifanya ndani ya jamii na kwamba amepata nguvu ya kuendelea kufanya kazi hiyo kwa ufanisi zaidi.

“Sikutegemea kupata tuzo hii na nimelia kwa chozi la furaha,namuomba Mkuu wa Jeshi la Polisi Tanzania (IGP), Ernest Mangu, pamoja na Waziri wa Mambo ya Ndani, Mathias Chikawe, kutoa vyeo kwa wakati ili kuongeza motisha wa kufanya kazi,”alisema Komba

Aliitaka serikali na mahakama kuhakikisha inasimamia kesi za udhalilishaji na ukatili wa kijinsia zinatolewa hukumu mapema ili kumaliza vitendo hivyo ndani ya jamii na pia kupunguza kasi ya udhalilishaji ambayo inatokana na watuhumiwa kutochukuliwa hatua kwa wakati.




Pichani ni Raisi  wa Taasisi ya Tuzo ya Wanawake Wenye Mafanikio Tanzania  ( IRENE KIWIA) akizungumza leo katika Utoaji wa tuzo hizo uliofanyika katika  Ukumbi wa Serena Hotel jijini Dar es salaam.

 

Debora Mwenda Mwanahabari mkongwe wa Redio Tanzania  Akizungumza baada ya kupokea tuzo ya Mwanamke  mwenye mafanikio ya maisha, Akielezea ni jinsi gani alivyofanikiwa kuelimisha jamii kupitia kipindi chake cha (Mama na mwana) kilichokuwa kikirushwa hewani Redio Tanzania.

Sharmillah Bhatt, Kushoto akipokea tuzo ya Sayansi na Teknolojia katika ukumbi wa Serena Hotel Leo Jijini Dar es salaam.

KAIMU Kamanda wa Mkoa wa Kipolisi Kinondoni, Inspekta Prisca Komba kushoto na kulia ni  Irene Kiwia,  Raisi wa tuzo za wanawake wenye mafanikio.

Baadhi ya wahudhuriaji katika tuzo ya Mwanamke Mwenye Mafanikio Tanzania wakifuatilia  utolewaji wa tuzo hizo.

KAIMU Kamanda wa Mkoa wa Kipolisi Kinondoni, Inspekta Prisca Komba, Msimamizi Dawati la Jinsia,akishangilia baadaya  kushinda Tuzo ya Mwanamke wa Mwenye Mafanikio katika Sekta ya Umma.

  

Ijumaa, 6 Machi 2015

SERIKALI YA JAPAN YAIPATIA MSAADA WA DOLA LAKI 1.4 HALMASHAURI YA WILAYA YA MONDULI

Waziri Mkuu Mstaafu na Mbunge wa Jimbo la Monduli,Mh. Edward Lowassa akiongozana na mwenyeji wake ambaye ni Kaimu Balozi wa Japan nchini Tanzania,Mh. Kazuyoshi Matsunaga wakati alipowasili nyumbani kwa Balozi huyo,Masaki Jijini Dar es salaam,kulikofanyika hafla fupi ya kusaini mkataba wa makubaliano wa kufanikisha Miradi miwili iliyopo kwenye Halmashauri ya Wilaya ya Monduli,jijini Arusha.Serikali ya Japan imeipatia Halmashauri hiyo dola za kimarekani 142,251 (sawa na Shilingi Milioni 250) kwa ajili ya kufanikisha miradi hiyo.PICHA ZOTE NA OTHMAN MICHUZI.
Kaimu Balozi wa Japan nchini Tanzania,Mh. Kazuyoshi Matsunaga (kushoto) akionyesha kitu kwenye karatasi kwa Waziri Mkuu Mstaafu na Mbunge wa Jimbo la Monduli,Mh. Edward Lowassa pamoja Mbunge wa Viti Maalum - Monduli,Mh. Namelock Sokoine,wakati wa hafla fupi ya kusaini mkataba wa makubaliano wa kufanikisha Miradi miwili iliyopo kwenye Halmashauri ya Wilaya ya Monduli,jijini Arusha.Serikali ya Japan imeipatia Halmashauri hiyo dola za kimarekani 142,251 (sawa na Shilingi Milioni 250) kwa ajili ya kufanikisha miradi hiyo.
Kaimu Balozi wa Japan nchini Tanzania,Mh. Kazuyoshi Matsunaga akitoa hotuba yake mbele ya Ujumbe wa Wilaya ya Monduli pamoja na Waandishi wa habari wakati wa hafla fupi ya kusaini mkataba wa makubaliano wa kufanikisha Miradi miwili iliyopo kwenye Halmashauri ya Wilaya ya Monduli,jijini Arusha.Serikali ya Japan imeipatia Halmashauri hiyo dola za kimarekani 142,251 (sawa na Shilingi Milioni 250) kwa ajili ya kufanikisha miradi hiyo.
Kaimu Balozi wa Japan nchini Tanzania,Mh. Kazuyoshi Matsunaga (kulia) na Mkurugenzi Mtendaji wa Halmashauri ya Wilaya ya Monduli,Twalib Mbasha wakisaini mkataba wa makubaliano wa kufanikisha Miradi miwili iliyopo kwenye Halmashauri ya Monduli.Serikali ya Japan imeipatia Halmashauri hiyo dola za kimarekani 142,251 (sawa na Shilingi Milioni 250) kwa ajili ya kufanikisha miradi hiyo.Wengine pichani ni Mbunge wa Viti Maalum - Monduli,Mh. Namelock Sokoine (katikati),Mwenyekiti wa Halmashauri ya Monduli,Edward Sapunyu pamoja na Afisa wa Mambo ya Nje na Mkuu wa Idara ya Miradi wa Ubalozi wa Japan nchini,Takashi Higuchi.
Kaimu Balozi wa Japan nchini Tanzania,Mh. Kazuyoshi Matsunaga (kulia) na Mkurugenzi Mtendaji wa Halmashauri ya Wilaya ya Monduli,Twalib Mbasha wakibadilishana mikataba mara baada ya kuisaini,wakati wa hafla ya fupi iliyofanyika leo nyumbani kwa Balozi huyo,Masaki jijini Dar.Serikali ya Japan imeipatia Halmashauri ya Monduli dola za kimarekani 142,251 (sawa na Shilingi Milioni 250) kwa ajili ya kufanikisha miradi miwili ya wilaya hiyo.Wengine pichani ni Waziri Mkuu Mstaafu na Mbunge wa Jimbo la Monduli,Mh. Edward Lowassa (kulia) Mbunge wa Viti Maalum - Monduli,Mh. Namelock Sokoine pamoja na Mwenyekiti wa Halmashauri ya Monduli,Edward Sapunyu.
Waziri Mkuu Mstaafu na Mbunge wa Jimbo la Monduli,Mh. Edward Lowassa akiteta jambo na Kaimu Balozi wa Japan nchini Tanzania,Mh. Kazuyoshi Matsunaga wakati wa hafla fupi ya kusaini mkataba wa makubaliano wa kufanikisha Miradi miwili iliyopo kwenye Halmashauri ya Wilaya ya Monduli,jijini Arusha.Serikali ya Japan imeipatia Halmashauri hiyo dola za kimarekani 142,251 (sawa na Shilingi Milioni 250) kwa ajili ya kufanikisha miradi hiyo.
Mbunge wa Viti Maalum - Monduli,Mh. Namelock Sokoine akitoa akizungumza machache mbele ya Waziri Mkuu Mstaafu na Mbunge wa Jimbo la Monduli,Mh. Edward Lowassa,Kaimu Balozi wa Japan nchini Tanzania,Mh. Kazuyoshi Matsunaga pamoja na waandishi wa habari (hawapo pichani).
Picha ya pamoja.
Waziri Mkuu Mstaafu na Mbunge wa Jimbo la Monduli,Mh. Edward Lowassa akiagana na Kaimu Balozi wa Japan nchini Tanzania,Mh. Kazuyoshi Matsunaga mara baada ya hafla hiyo.

Alhamisi, 5 Machi 2015

HENRY MDIMU AANZISHA HARAKATI DHIDI YA UKATILI NA MAUAJI KWA ALBINO

 Mwandishi wa habari wa Gazeti la Mwananchi, ambaye amejiteua kuwa Balozi wa Kupigania Mauaji ya Albino, Bw. Henry Mdimu (wa pili kutoka kushoto) akiongea na waandishi wa habari kutangaza dhamira yake ya dhati ya kujitolea kutoa elimu kwa watu ili waweze kuacha mauaji. Pembeni wanaomzunguka ni kamati inayomuunga mkono ili kufanikisha harakati ya IMETOSHA. 
(PICHA/HABARI NA CATHBERT KAJUNA WA KAJUNASON BLOG).
Mwenyekiti wa Harakati ya IMETOSHA, Bw. Masood Kipanya akikazia jambo mbele ya waandishi wa habari (hawapo pichani).
Msanii Cassim Mganga akisalimia na waandishi wa habari.
Mweka hazina wa mfuko wa harakati ya IMETOSHA, Bi. Monica akiongea machache.
 Baadhi ya Waandishi wa habari wakifuatilia.
Wanaharakati ya IMETOSHA wakishow love.
Picha ya pamoja.
---
Mwandishi wa habari wa gazeti la Mwananchi Bw Henry Mdimu leo hii mchana amezungumza na vyombo vya habari kuvieleza azma yake ya kuendesha harakati mpya iitwayo IMETOSHA kupinga ukatili na mauaji dhidi ya albino.
Akizungumza katika Ukumbi wa Idara maelezo jijini Dar es Salaam, Mdimu alisema kuwa harakati yake imelenga zaidi katika kuelimisha jamii kuwa albino ni binadamu kama wengine na wanahaki ya kutonyanyapaliwa, kusemwa vibaya, kutemwa mate, kukatwa viungo na kuuawa.
Balozi Mdimu alieleza azma ya kamati yake ya kuandaa matembezi ya hisani yanayitarajia kufanyika Jumamosi ya Machi 21, 2015 yatakayoanzia viwanja vya Leaders Club kuelekea Morocco, Manyanya, Kinondoni Road, Ali Hassan Mwinyi na hatimaye kuishia hapo hapo viwanja vya Leaders Club ambapo patafanyika mnada wa picha iliyochorwa na Ndunguru pia fulana zenye neno ya IMETOSHA zitauzwa pale ili kupatikane pesa ambazo Balozi Mdimu na kamati yake watazitumia kwenda Kanda ya Ziwa kufanya kampeni mijini na vijijini juu ya Mauaji na Manyanyaso dhidi ya ndugu zetu albino.
Pia Mdimu aliwapongeza rafiki zake ambao amekuwa nao bega kwa bega mpaka leo kwa kujitoa kufanikisha harakati yake mpaka sasa.
Aidha aliongeza kuwa baadhi ya wasani wakiwemo Jhikoman, Profesa Jay, Mwana FA, Cassim Mganga, Fid Q, Ray C na Roma wamejitolea kurekodi wimbo mmoja kila msanii ambapo album itauzwa kutunisha mfuko utakasaidia harakati ya IMETOSHA huko kanda ya Ziwa.

WAFANYABIASHARA WAILALAMIKIA SERIKALI KUPANDISHA KODI BILA KUWASHIRIKISHA

Na Tinah Reuben
Mwenyekiti wa Chama cha Wafanyabiashara Dar es salaam (JWT), Philimon Chonde amesema suala la kupandishwa kwa kodi kwa asilimia mia moja limepitishwa kinyemela bila ya wao kuwashirikisha wala kujadiliana na wafanyabiashara hao.
Akizungumza leo katika mkutano uliofanyika katika ukumbi wa Lamada Hotel jijini Dar es Salaam ukiwashirikisha wabunge, ameeleza kuwa mfumo wa kodi uliopo umekaa kikoloni kwani unawakandamiza wafanyabiashara ili waendelee kuwa tawala kwani haungalii uwiano uliopo baina ya wafanyabiashara wakubwa na wafanyabishara wadogo.
Chonde amesema kutokana na kuwepo kwa usumbufu wa kudai leseni ameitaka Serikali kuweka suala la kodi katika mfumo unaoeleweka ili kumsaidia mfanyabiashara kujua ni kiasi gani anatakiwa kulipa kwa mwezi.
Naye Mbunge wa Temeke Abasi Mtevu amezitaja changamoto zinazowakabili wafanyabiashara hao ni suala la usafi wanalipia lakini mazingira bado ni machafu na wamesema wapo tayari kufanya usafi wenyewe na suala la zima moto kwamba kila mfanyabiashara aweze kuwa na mtungi wa gesi lakini hawapewi mitungi hiyo bali hupewa karatasi ya malipo.
Pia amesema sheria zinazopitishwa Bungeni baadhi ni kweli na nyingine zimetengenezwa na watu wenye maslahi binafsi na amewasisitiza wafanyabiashara kupambana katika kulinda biashara pamoja na mitaji yao.
 Mwenyekiti wa Chama cha Wafanyabiashara wa Dar es Salaam (JWT), Philimon Chonde akizungumza katika mkutano wa Wafanyafanyabiashara pamoja na wabunge uliofanyika leo Machi 5, 2015 Ukumbi wa Lamada Hoteli jijini Dar es Salaam.
  Mbunge wa Temeke, Mhe. Abas Mtemvu akisisistiza jambo katika mkutano wa Wafanyafanyabiashara pamoja na wabunge uliofanyika leo Machi 5, 2015 Ukumbi wa Lamada Hoteli jijini Dar es Salaam.
 Mbunge wa Ubungo, Mhe. John Mnyika akifanya majumuisho katika mkutano wa Wafanyafanyabiashara pamoja na wabunge uliofanyika leo Machi 5, 2015 Ukumbi wa Lamada Hoteli jijini Dar es Salaam.
 Mmoja wa wafanyabiashara akiombea mkutano kabla haujaanza.
 Mbunge wa Ubungo, Mhe. John Mnyika akisalimia na Mbunge wa Ilala, Mhe. Mussa Azan Zungu katika mkutano wa Wafanyafanyabiashara pamoja na wabunge uliofanyika leo Machi 5, 2015 Ukumbi wa Lamada Hoteli jijini Dar es Salaam.
 Waheshimiwa wabunge wa jiji la Dar es Salaam wakifuatilia kwa makini mkutano, kutoka kulia ni Mhe. Abbas Mtemvu, Mhe. John Mnyika na Mhe, Mussa Azan Zungu.
Baadhi ya waandishi wa habari wakifuatilia mkutano.
 Baadhi ya wafanyabiashara waliohudhuria katika mkutano huo.

Jumatano, 4 Machi 2015

SERIKALI YATAKIWA KUJENGA MFUMO MLENGO KWA MAENEO YA VIJIJINI

 Waigizaji wakiigiza katika maadhimisho ya siku ya mwanamke duniani yaliyofanyika katika viwanja vya TGNP jijini Dar  es Salaam.

 Mkurugenzi wa TGNP,Lilian Liundi akizungumza katika maadhimisho ya siku ya mwanamke duniani yaliyofanyika leo katika viwanja vya TGNP ,Jijini Dar es Salaam,
 Wanawake wakiwa na mabango yenye ujembe mbalimbali waliohudhuria maadhimisho ya siku ya mwanamke duniani yaliyofanyika leo katika viwanja vya TGNP ,Jijini Dar es Salaam

 Waziri  wa Kwanza mwanamke katika serikali ya awamu  ya kwanzaTabitha Siwale akizungumza na waandishi wa habari baada ya kufungua maamaadhimisho ya siku ya mwanamke duniani yaliyofanyika leo katika viwanja vya TGNP ,Jijini Dar es Salaam

Na Tinah Reuben 
Serikali imekuwa ikitekeleza mlengo wa kijinsia katika maeneo ya  maeneo ya mijini na kuacha watu  wa maeneo ya vijijini ambao wanakabiliwa na changamoto nyingi na kufanya watu hao kuendelea kuwepo kwa ukatili wa kijinsia.

Hayo ameyasema leo Tabitha Siwale wakati akifungua siku ya maadhimisho ya siku ya Mwanamke Duniani iliyoandaliwa na Mtandao wa Kijinsia nchini TGNP, uliofanyika katika viwanja vya mtandao huo jijini Dar es Salaam,amesema serikali itenge bajeti yenye mfumo wa mlengo wa kijinsia.

Tabitha ambaye alikuwa Waziri wa Kwanza mwanamke serikali ya awamu ya kwanza amesema pamoja na serikali kulidhia mikataba mbalimbali ikiwemo mkutano wa Berlin ukitaka upatikanaji wa viongozi ulitaka kuangalia mtazamo kijinsia.

Naye Mkurugenzi wa TGNP,Lilian Liundi  amesema serikali kuzingatia usawa wa kijinsia kwenye mchakato wa kupata viongozi ufikie asiliamia 50 kwa 50 itapunguza utofauti uliopo katika nafasi za juu za uongozi serikalini.

Aidha amesema kwa sasa kwenye nafasi zau kisiasa wanawake ni asilimia 30 kutoka asilimia nane mwaka 1995 hivyo serikali iendelee kutekeleza maazimio mbalimbali likiwemo la Baijing nchini China pamoja na maazimio ya milenia.

Hata hivyo,Lilian amesema pamoja na changamoto zilizopo katika utekelezaji wa azimio la pili ,tatu nane la milenia ambapo ni lazima seriakali kutekeleza katika kuweza kufikia malengo hayo.

Rais wa Taasisi ya Kijamii ya Wanawake wenye Mafanikio Tanzania, Irene Kiwia akizungumza na waandishi kuhusu udhamini wa  sherehe za Tuzo ya Wanawake wenye Mafanikio Tanzania zitakazofanyika Machi 7, mwaka huu kwenye Hotel ya Serena Hotel. Kushoto ni Mwenyekiti, Sadaka Gandi.

Jumanne, 3 Machi 2015

SVF WAZUNGUMZIA JUU YA MPANGO WAO KWA WATU WALEMAVU

Na Tinah reuben, 

Asasi isiyokuwa ya Kiserikali (SVF)inayojighulisha na  kusaidia watu wenye  mahitaji maalum na waliosahaulika kama, walemavu na watu wanaoishi katika mazingira magumu Tanzania, imesema watu wenye ulemavu wako milioni 4.5 na kwamba wanakabiliwa na changamoto nyingi kutokana  na mazingira wanayoishi.

Akizungumza leo na waandishi wa habari jijini Dar es Salaam,Katibu Mkuu wa shirika hilo  ,Leontine Rwechungura amesema wanatambua mahitaji ya kundi la watu wenye ulemavu na wataanza kujenga miundombinu rafiki kwa wanafunzi katika shule za Sekondari, Pugu,jangwani na shule ya msingi mchanganyiko.

Amesema nusu ya watu wenye ulemavu hawapati elimu kama wanavyostahili,hivyo wakijengewa mazingira rafiki wanaweza kuondokana na changamoto na taifa kupata wataalam wanaotokana na kundi hilo.

“Kama taasisi tunawajibu wa kufanya na kila mmoja aweze kufanya kwa nafasi yake kutokana na wote ni jamii moja kwani mtu yeyote anaweza kupata ulemavu”alisema Rwechungura. 

Pia Mwakilishi wa Afisa Elimu Mkoa wa Dar es Salaam ,Benardetha Thomas ameisisitiza  asasi hiyo kufanya vitu ambavyo imeahidi  kutokana na watu wengine wanaahidi na hawatekelezi.
 Mwenyekiti wa Save Vulnerable Foundation (SVF),Fredy Kaula akizungumza na wanahabari leo jijini Dar es saalam.
Katibu Mkuu wa SVF,Leontine Rwechungura akizungumza kwenye mkutano huo.
Mwakilishi kutoka ofisi ya Afisa Elimu Mkoa Bearnadetha Thomas akitoa baadhi ya maelezo katika mkutano huo leo jijini Dar es saalam.